صيف بلا قلق !!!!

صيف بلا قلق !!!!هكذا اخترت عزيزتي حواء ان ابدأ معكي فنحن جميعاً نعرف ما يسببه  فصل الصيف من قلق وتوتر لدي السيدات لما يتبعه من مشكلات  نعاني منها ونبحث دوماً عن حلول لها ولعل من أبرزها مشكلة العرق التي تؤرقنا دوماً.ربما يعلم الكثير منا ان مزيلات العرق التي تحتوي علي مواد كيميائية تسبب أضراراً بالغة بالجسم علي المدي الطويل من أهمها اسمرار الجلد في منطقة تحت الأبط لذلك تبحث معكي مدونة زنقة الستات  دوماً علي حلول عملية وطبيعية في نفس الوقت تحقق لكي أن تحصلي علي جسم منتعش بالروائح الجميلة والطبيعية في نفس الوقت دون تكلفة مادية عالية .تابعي معي هذه الخطوات البسيطة لنحصل علي مزيج رائع يحافظ علي رائحة منعشة وجذابة  للجسد فترة طويلة.

 أولا: هتجيبي  ازازة زيت  بيبي أويل (جونسون) وهتروحي محل تركيب العطور  تجيبي  منه 7 مل عطر (خام) اختاري الريحة الي تحبيها بعد كده هتجيبي ازازة  بخاخة نضيفة  ولو مش عندك مش مشكلة. نيجي للخطوة التانية نفضي ربع ازازة  البيبي اويل ف أي  مكان او نستخدمها ف اي حاجة لاننا مش هنحتاجها بعد كده  نضيفعلي باقي
 الازازة العطر الخام ال اشتريناه ونرج الازازة كويس جدا جدا جدا بعدين نفضي
 الخليط ف البخاخة او نخليه زي ما هو ال يريحك ونحط الازازة ف اخر فريزر
 التلاجة
 لمدة يومين عشان الريحة تثبت معانا.بعدين تطلعيها ونحطها ف الحمام وبعد كل
 شاور وجسمك مندي تدهني جسمك كله بكمية مناسبة واتفرجي علي النتيجة
 الرائعة مش بس كده انتي ممكن تعطري منها شعرك هتدي ريحة روعة.
 حاجة طبيعية ومن مكونات بسيطة وسهلة وعلي أد ادينا. اتمني تجربوها 
 وتعجبكم ويكون صيف بلا قلق ان شاء الله.

 بقلم/شيماء عبد الفتاح.